渝味曉宇重慶老火鍋 (渣甸中心) (Closed)

對我黎講，打邊爐並冇分春夏秋冬，一年四季我都咁愛打邊爐。一坐低侍應生就上左兩碗清甜滋潤嘅紅棗雪耳糖水。火鍋醬料方面，有醬油、醋、香油、生蒜同蔥粒，款式唔算多。我地點左鴛鴦鍋：重慶麻辣銅同埋皮蛋香菜湯。麻辣湯底配麵粉類食品一流！例如苕粉、迷你燕餃、竹笙、凍豆腐等。食材充分吸收哂濃郁嘅湯底味道，連醬油都可唔唔洗點！對於二人黎講，可以點半份實在太貼心喇！貪心嘅我地每樣都想試都唔洗擔心食唔哂。我地點左手打墨魚滑滑、三寶丸、西生菜、油炸鬼、韭菜豬肉水餃、鮮蝦雲吞、嫩牛肉等。手打嘅三寶丸包含左墨魚丸、牛丸同蝦丸，款款都爽口彈牙。嫩牛肉肉質非常嫩滑，涮一兩分鐘就食得。冰豆腐纖維綿密。吸湯得黎唔會鞋口。迷你燕餃一口一粒，個皮有彈性好香口。苕粉口感好煙韌，同麻辣湯超夾！墨魚滑充滿鮮味而且十分爽口彈牙。每一款食材嘅水準都好出眾。其實呢度仲有好多款特色牛內臟同特色火銅配料可以點，喜歡麻辣火鍋嘅朋友絕不能錯過！