陳根記 (Moved) New Location

周六晚上終於都去報左六月去韓國的機票package，肯定有得出發，了左一件心事先，唔洗心掛掛﹗夜晚同食家到禾輋吉之島行下，打個轉就再去陳根記吃飯﹗九點半時份，全場爆滿，好不客易找到個靠邊的二人座位。這兒最抵當然是啤酒，$32有半打嘉士伯，真係平到唔知邊到搵，唔洗諗咁多就叫半打，飲唔哂最多拎走，再整多支健力士來兩溝，豪一豪佢﹗不得不說啤酒在兩溝後個口味真係最健怡，味夠泡滑，飲落更順喉，我恨我都係呢大半年先係咁飲，枉費了這麼多年的酒齡﹗先要一讚今日上菜速度超快，落單後不到十分鐘野食已到齊﹗海蜇手撕雞是每次來陳根記必點的食物，要了半隻，兩個人吃份量都幾多，雞肉撕成一條條，撈上麻油、火腿絲及少少酸既醋同吃，開胃惹味﹔海蜇爽口，入口卜卜脆，蘸少少佢提供有酸甜味既香蔥醋汁來吃，醒胃﹗辣酒海螺，夠大隻，加加埋埋都有成廿隻，辣汁帶少少藥材花椒八角香，有火爐全程滾住，個汁愈煮愈辣，螺肉實淨新鮮，肉質彈牙有嚼勁，這一味餸吃得很過癮，送啤酒不錯呢﹗最後一碟要了香煎腐皮卷，一客三條再一開四五，兩個人食真係夠哂皮，腐皮煎得未算脆口，可以炸得更透，不過要讚佢個腐皮好重豆味，入面蔬菜如蘿蔔絲、雲耳等都新鮮爽脆，清清