Seasons Restaurant & Bar

Open Now

Now Closed

喺佐敦行完街開始覺肚餓搵地方食晚飯，見到呢間印度餐廳。本身好少食印度菜，突然間又想試吓喎所以就幫襯左呢間餐廳。餐廳外貌似食西餐嘅格局，地方精緻得嚟唔算大間，而實際上餐牌嘅食物好多都係fusion，可能係為咗迎合香港人嘅口味而設。1) 牛油果醬脆脆 (⭐⭐⭐⭐⭐)未點野食之前先有牛油果醬脆脆當前菜，簿身一塊塊，食落好有口感，點埋牛油果醬，配搭新穎，幾特別。2) 大蝦沙律 (⭐⭐⭐⭐⭐)首先我哋點咗大蝦沙律。沙律夠大份，沙律菜唔會有苦澀味，而且大蝦味道鮮甜，十分開胃。另外，我幾喜歡呢碟菜既賣相。3) chicken masala (⭐⭐⭐⭐⭐)主菜就點咗chicken masala, masala 味道夠香辣惹味，同雞肉嘅味道好夾。芝士薄餅嘅芝士味濃郁，加埋masala嘅醬汁，令味道嘅層次更豐富，係印度菜同西餐嘅fusion。喺服務方面，為我哋服務嘅侍應十分熱情同周到，為晚餐增添愉快嘅氣氛。