三門仔漁港 (Closed)

聽人話去三門仔食海鮮，今日去開沙田，有人提議試下。去到淨係見到一間三門仔魚港，姑且一試。露天的用餐區環境一流，無敵海景。我們見有外籍廚師在泡製燒烤，個樣好似好得咁，就叫咗侍應推介的四人燒烤餐，再加冰鎮墨魚刺身和蟹飯，另墨魚鬚酥炸。炸墨魚鬚先到，細細碟冇驚喜，跟住嚟燒烤，龍蝦唔新鮮，冇魔鬼魚換咗倉魚，四小塊好核突，似鹹魚，完全唔係鮮魚。羊脾鞋拾拾，其他肉類如雞翼牛扒，質素重差過大家樂。講番個條話新鮮墨魚，俾人切咗啲鬚成個鐘，先上抬。唔講係墨魚，我以爲食緊膠，完全無鮮味。我地同侍應反影，她二話不說把它擺走，跟住部長話扣番斤兩。點知埋單發現所謂扣斤兩，係扣一半墨魚錢，即係話嗰碟得幾舊嘅墨魚鬚佔咗半斤八十大元，再加三十元加工，成為一百一十元。我地同部長理論，他態度好差話你唔arm食啫，應該冇得退錢。咁明明係侍應擺走話扣錢，點知咁取考。本來食物質素差都算，咪唔再幫襯囉。最激氣係俾人呃錢。結果六個人午餐一千二百大元再加一肚氣！