信州日本料理

Open Now

Now Closed

信州日本料理位於西環堅尼地城爹核士街1號裕福大廈地下5號舖，近海，比人感覺好寧靜，但外面會有好多遊客打卡，都幾熱鬧！裝修係日本嘅居酒屋風格，服務好好，有溫度，唔知選擇咩嘅時候可以問下店員有冇好推介，今日點左：銀雪魚西京燒定食,配菜有茶碗蒸，沙律，麵豉湯，銀雪魚煎到外脆內嫩！魚皮超好食（個人覺得）！壽司八貫配壽司小卷，分必有日本海膽，三文魚，甜蝦，油甘魚，真鯛，左口魚邊，白身魚兩款，一口一個味，滿足一個三心兩意可以試唔同噶壽司噶人。黑豚腩串燒，炭燒味都幾香，外層焦脆！加少少檸檬汁，味道都幾清新！之後再嚟一個雪米糍甜品收尾。同朋友兩個覺得今日呢餐噶用餐都幾愉快！