探魚烤魚

Open Now

Now Closed

今日約朋友喺沙田新城市廣場食午飯，鍾意食魚嘅友人帶我試咗過江龍烤魚名店探魚。店內裝修主要以紅色為主，感覺火辣。烤魚有多種選擇，朋友點了唔辣的金銀蒜香味烤魚。選魚方面，我哋點了寧波魚，魚肉較軟及少骨。之後，可以為烤魚鍋加上不同的配料，我哋就健康咁揀咗加大白菜。金銀蒜香味烤魚，配寧波魚$298烤魚鍋鍋大，魚亦大，中間鋪滿蒜香及兩條長茄子🍆，我們點的大白菜則放在魚底，清新鮮甜。爆漿鴛鴦糍粑 $58口感Q彈, 炸得外脆內軟，啖啖芝麻香味，一口咬開有流心餡料流出，兩款唔同的味道，煙煙韌韌，啱晒鍾意Q彈口感嘅我。絕絕子爆汁炸雞 $58外型迷你可愛，每件雞都有紙包住，配上甜酸醬，香脆啖啖肉。任食自由配搭冰粉（$6位）食完熱辣辣嘅魚鍋及香口嘅小食後，最啱出去冰粉自助吧，自由配搭返碗冰粉做甜品，任食唔嬲。今餐很滿足，吃到啖啖魚肉的魚鍋，甜品以冰粉作結，中和了魚鍋及小食嘅刺激。