갈비궁 Galbi Gung

Open Now

Now Closed

呢幾日漸漸轉涼，終於可以去食打邊爐、食韓燒、去郊野公園BBQ啦！難得今日去咗紅梅谷行山，順便喺圍方搵到呢一間韓燒餐廳棉花糖壽喜燒西冷真係打卡必叫，西冷嘅口感好柔軟，完完全全吸收晒壽喜燒嘅精華！牛舌盛合豐富得來又好食，牛舌唔使燒好耐，時間嘅拿捏效果相對簡單，口感爽彈。有牛就當然有豬，所以亦都叫咗黑毛豬肉盛盒配生菜，由於已經有預先醃製嘅關係，唔需要過多嘅調味都已經非常夠味，黑毛豬肉非常嫩口，亦都冇想像中嘅油膩，建議大家可以燒耐少少，脂肪位置會更加香口。牛有啦豬又有啦，當然要輪到雞嘅出場啦，選擇咗拉絲芝士雞肉🍗芝士嘅味道好香濃，雞肉好滑又有汁！