千両 (Closed)

日日返工茶記米線車仔麫，想食餐好，價錢又未必要豪，因為千両有五個lunch sets,價錢由$70至$130不等。因為一點到兩點太多人，為免同人逼，一係早D一係遲D，我就兩點半到達，唔駛等位叫左個海鮮刺身定食，見到在迴轉帶上好靚又新鮮的壽司，先攞一碟季節限定的柑味油甘魚！柑味好清新，加上油甘魚的甜，好味！之後個海鮮刺身set到左，刺身好新鮮，但個冷烏冬不夠涷，而且同沙律一樣用芝麻醬，有D重複左的感覺之後唔夠喉，再追加了香蔥呑拿魚腩軍艦、特大帆立貝、及炙燒左口魚背。香蔥呑拿魚腩軍艦入口非常香，但紫菜有D林左。特大帆立貝真係特大！一口一定食唔哂，非常有口感！炙燒左口魚背入口即溶，魚油一下子在口腔入面徘徊⋯真不愧係我的最愛！本來已經十分滿足，但朋友堅持要用甜品完美地完結這一餐，所以叫了綠茶糯米糍及菠蘿雪芭。綠茶雪糕配糯米糍，100分之作，綠茶雪糕不太甜，糯米糍又軟又有咬口！相反個菠蘿雪芭就太差了，涷到結哂冰，直情要加熱水入碗坐熱先可以食到少少，味道亦不似菠蘿！總結：來食刺身同壽司一定不會失望，lunch時段平D，食得開心D又返工努力博殺了