大少燒味茶餐廳

Open Now

Now Closed

雖然大少嘅賣點係食燒味，不過亦都有小菜，逸東邨嚟嚟去嗰幾間茶餐廳，間間都不斷退步，雖然叫小菜跟例湯白飯，價錢唔平，但至少你要煮得好食先值回票價既款式係幾多嘅。。。今次叫咗豆豉鯪魚油麥菜:呢條算係唔差，油麥菜依然青脆爽口，豆鼓鯪魚份量十足，不太鹹，但偏油，味道剛好。跟住就係鼓椒炒蜆，圖片賣相幾好嫁，不過好多都唔開口，而且有啲得個殼，扣扣減減可能只係得十幾粒蜆肉仔。。。不過味道係唔錯，成碟入邊得兩三隻死蜆，夠鑊氣！蜆肉滲透着青紅椒嘅味道，洋蔥甜而不辣，不過衰在配菜比主菜還多。跟住就叫咗個魚香茄子煲，呢個咁嘅煲睇相都知咩料啦！魚香茄子最緊要走油，如果唔係出到嚟會變咗一pat野,唔入味之餘，賣相都唔會吸引佢仲夠膽死將啲豬肉碎馺熟咗再撈埋一齊，傻嘅都食得出啲豬肉係馺嫁啦，鞋颯颯白雪雪無味道，要魚香冇魚香！啲茄子仲要係臭嘅！有宿味，同佢講之後佢拎黎聞左下已經知咩料話叫我地換其他餸。比個近鏡睇下，成六十蚊個餸你好意思hea 煮最後換咗中式牛柳，味道係唔差嘅，始終係條配好嘅醬汁，酸酸甜甜幾開胃，牛柳薄切容易咬，不過就炸得太耐，外面皮夠濃，同埋好油