名家韓國餐廳 (元宮閣)

Open Now

Now Closed

年廿九晚上，選擇到太古城名家食團年飯，其實以往經驗，都明知呢間餐廳服務態度同埋食物都欠奉，但因為地方比較方便同唔係中餐，唔需要同人迫，所以除夕夜都選擇咗呢間。一去到餐廳，第一個衝擊就係竟然要將六人迫埋一個細細嘅卡位，其中一個人仲要係坐喺窗台嘅邊挨住埲磚牆，就算三位女士，都真係僅僅坐得落（圖一）跟住就叫餐嘅時間，另一個「驚喜」，就係本來想叫個「海鮮」香蔥餅，但嚟到之後，真係以為嚟咗個素香蔥餅，一丁點嘅海鮮都唔見，我諗都唔需要多講，有圖有真相，簡直係違反商品說明條例(圖二及圖三）找職員來查詢，職員話因為啲海鮮剁碎晒，所以唔見，但真心，就算整開個蔥餅，除非佢將佢搞到變哦蓉，但係實在一丁點切碎咗嘅海鮮痕跡都係見唔到嘅。總結，服務差之餘，如果唔係因為地點，真係唔會選擇嚟呢度。