Mango Tree Café (Closed)

早幾年去曼谷旅遊，必經聽過「Mango Tree」的大名，那些年差不多每一本旅遊書都必定會介紹。自從2011年進駐香港開了分店之後，一眾旅遊書出版社為了迎合貪新鮮的香港讀者，當然不會重複介紹香港已經有分店的海外餐廳，就開始捨棄「Mango Tree」了。雖然「Mango Tree」在香港的分店已經開了幾年，甚至第一間香港分店已經結業一段時間，但一直沒有幫襯過；原因非常簡單，定價較曼谷總店貴很多，覺得唔抵。直至去年年初，設立了另一條年輕版副線「Mango Tree Cafe」，價錢差距較接近（但其實菜式份量有沒有減少呢？），趁著母親節第一次訂位光顧。慶幸有提早訂位，去到餐廳門口已經有一條小人龍。估計餐廳預留了一些餐枱給 walk-in 客人，美其名照顧其他沒有訂枱的客人，實際原因可能是擔心訂了枱的客人甩底，餐廳做少幾單生意。餐廳裝修刻意劃分成兩個區域。其中一個燈光較為光猛、傢俱較為簡潔，但牆壁裝修就充滿熱帶風情，繪制了很多果樹圖畫。另一個用餐區的裝修較為時尚、燈光也較暗淡，用餐環境的感覺較高級。定位係 Cafe，餐牌上面嘅選擇比較少，也缺少了一些大大份的肉類主菜及貴價蝦蟹海鮮菜式。食星馬