Video
Read full review
2024-05-01
644 views
到沙田新城市廣場食晏，突然想食泰國菜。經過曼谷過江龍「Nara Thai Cuisine」，門前放有lunch set menu都幾吸引，之前嚟食過晚餐已經覺得好唔錯，就一於入去試吓佢個lunch set。餐廳以啡色作主調，燈光暗暗有帶泰國風情，半卡座同藤椅坐得舒適。lunch set menu種類多又可以自由組合，我哋揀咗兩個A+B，再加配一款小食，套餐已包冷熱檸檬茶。🅐 主菜❃ 泰式海南雞飯 $118無骨海南雞啖啖肉，份量都唔少，雞皮爽肉滑。油飯好香，粒粒分明，好鍾意佢個泰式醬汁，酸酸辣辣好惹味。❃ 泰式大蝦炒金邊粉 $118大蝦爽口彈牙，都有好多隻，金邊粉幼身煙靭，加入蛋絲、芽菜炒得好香，一啲都唔油膩，味道帶甜，碟邊伴有脆花生碎、辣椒粉同鹽，隨個人喜好撈勻食，加埋青檸汁更開胃。🅑 前菜及湯❃ 香脆魚露雞翼有四款選擇，單骨雞翼容易食，脆漿有黑芝麻調味，炸得香脆，又唔會乾晒，醃得好入味，味道鹹香，配埋雞醬。❃ 泰式香腸皮香脆，咬開口感鬆軟，食到香茅、檸檬葉等泰國香葉味道，充滿泰式風味。⊘套餐加配❃ 泰式生蝦 +$38有八款選擇，我好鍾意食生蝦，見到即刻要加，一碟有四隻，蝦肉冰凍鮮爽，
餐廳以啡色作主調，燈光暗暗有帶泰國風情，半卡座同藤椅坐得舒適。lunch set menu種類多又可以自由組合，我哋揀咗兩個A+B，再加配一款小食，套餐已包冷熱檸檬茶。
泰式海南雞飯
6 views
0 likes
0 comments
🅐 主菜❃ 泰式海南雞飯 $118
無骨海南雞啖啖肉，份量都唔少，雞皮爽肉滑。油飯好香，粒粒分明，好鍾意佢個泰式醬汁，酸酸辣辣好惹味。
泰式大蝦炒金邊粉
10 views
0 likes
0 comments
❃ 泰式大蝦炒金邊粉 $118大蝦爽口彈牙，都有好多隻，金邊粉幼身煙靭，加入蛋絲、芽菜炒得好香，一啲都唔油膩，味道帶甜，碟邊伴有脆花生碎、辣椒粉同鹽，隨個人喜好撈勻食，加埋青檸汁更開胃。
香脆魚露雞翼
6 views
0 likes
0 comments
❃ 香脆魚露雞翼
有四款選擇，單骨雞翼容易食，脆漿有黑芝麻調味，炸得香脆，又唔會乾晒，醃得好入味，味道鹹香，配埋雞醬。
泰式香腸
4 views
0 likes
0 comments
皮香脆，咬開口感鬆軟，食到香茅、檸檬葉等泰國香葉味道，充滿泰式風味。
泰式生蝦
0 views
0 likes
0 comments
❃ 泰式生蝦 +$38
有八款選擇，我好鍾意食生蝦，見到即刻要加，一碟有四隻，蝦肉冰凍鮮爽，配生蒜片，蘸埋醬汁蒜香酸辣夠惹味，lunch set都可以嘆到生蝦，簡直多重奏享受。
⊘ 飲品套餐已包檸檬茶及檸檬水，可升級特飲。
❃ 凍檸茶
❃ 泰式奶茶 +$10
#Nara Thai Cuisine @narathai.hk 地址：沙田沙田正街18號新城市廣場一期5樓507號舖
Post
