Video
Read full review
2023-09-21
122 views
日本橋海鮮丼つじ半(TSUJIHAN) 開到香港，選址東涌，今晚趁冇咩做，山長水遠入咗去食海鮮丼！餐廳裝修簡潔，好有日本風味。餐牌就係幾款海鮮丼，價錢決定材料多少😂呢度嘅海鮮丼最特別係可以一丼二食！不過，一開始係先食刺身嘅。師傅會準備加入咗特製胡麻醬嘅魚生片，一碟有四片，會建議大家先食兩片，留返兩片之後食～食完魚生就到海鮮丼飯，無論邊個價錢，每一碗海鮮丼飯嘅材料都好澎湃，如果大食嘅，仲可以追加海膽、三文魚子或者蟹肉。我哋要咗梅同埋特上，咁特上就梗係更加豐富啦😂 海鮮丼飯真係好足料，一碗飯有齊海膽、鮭魚子、紅雪蟹肉、金槍魚蓉、鮭魚子、貝類、赤蝦、魷魚、金槍魚等等海鮮，撈埋一齊味道好豐富！海膽嘅份量都好多！食咗大半之後，侍應會幫忙加湯，鯛魚高湯味道濃郁鮮甜，同海鮮丼飯都幾夾。如果唔夠飽，加湯嘅時候侍應仲會問你加唔加飯，包你食到飽！食咗香港店，唔使去東京食囉！
餐廳裝修簡潔，好有日本風味。
餐牌就係幾款海鮮丼，價錢決定材料多少😂
呢度嘅海鮮丼最特別係可以一丼二食！
不過，一開始係先食刺身嘅。師傅會準備加入咗特製胡麻醬嘅魚生片，一碟有四片，會建議大家先食兩片，留返兩片之後食～
食完魚生就到海鮮丼飯，無論邊個價錢，每一碗海鮮丼飯嘅材料都好澎湃，如果大食嘅，仲可以追加海膽、三文魚子或者蟹肉。
我哋要咗梅同埋特上，咁特上就梗係更加豐富啦😂 海鮮丼飯真係好足料，一碗飯有齊海膽、鮭魚子、紅雪蟹肉、金槍魚蓉、鮭魚子、貝類、赤蝦、魷魚、金槍魚等等海鮮，撈埋一齊味道好豐富！海膽嘅份量都好多！
食咗大半之後，侍應會幫忙加湯，鯛魚高湯味道濃郁鮮甜，同海鮮丼飯都幾夾。如果唔夠飽，加湯嘅時候侍應仲會問你加唔加飯，包你食到飽！
食咗香港店，唔使去東京食囉！
Post
