Video
Read full review
2024-11-26
408 views
剛剛週末同朋友兩個人食飯，想搵個地方坐得舒舒服服嘆下紅酒嘆下Iberico, 最後試咗呢間，結論係絕對值得推薦。環境 - 空間感足夠，好適合慢慢坐傾吓偈。服務 - serve我果3個staffs都係nice, 尤其是介紹menu果位做得好好食物方面，叫左HK$1388 for 2嘅set, 冇影相，憑記憶評論：餐包 - 微暖鬆軟，配埋自家製有調味嘅牛油，合格以上。Iberico - 嚟呢間餐廳嘅主要原因，絕對冇失望，襯佢其中一支House Red (Rhone Valley，HK$4xx per bottle), 好舒服。Crab Cake - 極多蟹肉，亦都煎得唔錯，雖然同Ruth Chris個Crab Cake嘅級數仲有距離，但已經非常出色。Lobster Bisque (+ $88 per person) - 當晚唯一一個覺得失望嘅菜式，佢係偏稀嘅做法，同我平時飲開傳統西湯嘅做法唔同，當然有可能係我自己唔鍾意啦；同店員表達，佢哋嘅應對都唔錯，唔會覺得佢HEA緊你。Lobster Pasta - 個pasta係有少少千層麵嘅感覺，龍蝦尾好足料，夠厚肉，成件事烹調得唔錯。Rib Ey
環境 - 空間感足夠，好適合慢慢坐傾吓偈。
服務 - serve我果3個staffs都係nice, 尤其是介紹menu果位做得好好
食物方面，叫左HK$1388 for 2嘅set, 冇影相，憑記憶評論：
餐包 - 微暖鬆軟，配埋自家製有調味嘅牛油，合格以上。
Iberico - 嚟呢間餐廳嘅主要原因，絕對冇失望，襯佢其中一支House Red (Rhone Valley，HK$4xx per bottle), 好舒服。
Crab Cake - 極多蟹肉，亦都煎得唔錯，雖然同Ruth Chris個Crab Cake嘅級數仲有距離，但已經非常出色。
Lobster Bisque (+ $88 per person) - 當晚唯一一個覺得失望嘅菜式，佢係偏稀嘅做法，同我平時飲開傳統西湯嘅做法唔同，當然有可能係我自己唔鍾意啦；同店員表達，佢哋嘅應對都唔錯，唔會覺得佢HEA緊你。
Lobster Pasta - 個pasta係有少少千層麵嘅感覺，龍蝦尾好足料，夠厚肉，成件事烹調得唔錯。
Rib Eye Steak - 扒嘅質素同Chef煎出嚟嘅效果都係好有水準；切好晒一塊塊咁上，冇記錯每人都有4塊或以上。
Dessert - 每人加左$68食佢個chocolate cake (cheese cake 係唔洗加錢），朱古力味夠香，個cake亦都唔會過甜，唔錯。
埋單$23xx, 以一餐飯 坐足四個半鐘，環境舒適，有服務，食物水準中上，絕對值得支持。
順帶一提，佢哋wine list嘅價錢非常親民，好適合食飯必須要嘆酒嘅人士。
Post