翠華餐廳 (銅鑼灣商業大廈) (Closed)

嗰日一啲都唔肚餓，但口好痕好想食下午茶，於是乎一落車就衝咗去糖街嗰間翠華，諗住可以坐得舒舒服服咁嘆吓 ( ´▽` )ﾉ點知原來翠華下午茶得好少選擇㗎咋 ~ 四款。一心諗住去食西多士嘅我，結果就喺嗰四款裏面，揀咗要炸雞鎚配薯條加紅豆冰($40)！其實我冇究竟有冇得單叫西多士，只係當時嘅我俾杯紅豆冰吸引住，就係咁落咗搭 ╮(￣▽￣"")╭睇相你就知道，杯紅豆冰有幾吸引我，一早比我飲咗一半 (￣∇￣)啲炸雞同薯條就普普通通，因為唔係熱㗎，只係暖暖地(扣分)，但份量都OK多嘅，可惜嗰日我唔係肚餓🤭呢間野下午茶應該冇下次，但可以繼續去幫襯佢嘅早餐。