Bingo & Cook (駱克駅) (Moved) New Location

等了好耐想食的韓國餐，今日星期4，7點多來到，已經要等位。 店舖不算大，但坐到滿一滿。其實在來之前已經鎖定了韓式煎餅，年糕及炸雞。見餐牌上，以上幾款都有幾種口味，實在選擇困難，樣樣都想食。最後叫了甜辣醬炸雞，韓式炒年糕，泡菜煎餅。炸雞有全份或半份選擇，我一行兩人，叫了個半份。炸雞好脆，最怕係油而膩，但今次炸雞好乾爽，不會成口都係油。雞肉方面，肥瘦適中，亦吾會炸到乾蒸蒸。 邊食邊吹水，不錯不錯。今次是甜辣醬炸雞，辣辣地好開胃。其實都想試蜂蜜炸雞，下次可能會試下。年糕，曾經在宮廷炒年糕定韓式年糕想了好耐，最後都是韓式年糕。配上辛辣麵，韓式魚糕，蛋等配料。雖然自己平常都有嘗試煮類似的，但就是煮不到這種味。整鍋都係韓國常吃食材。煎餅，這個超級值得推介，眾多煎餅，曾經想過叫海鮮煎餅，但最後都是泡菜煎餅。因為泡菜是韓國食品。煎餅是薄身而脆，它不油，中間夾左少量洋蔥，食落第一層是脆皮，然後就是泡菜和洋蔥粒相當有咬口，配上幾件魷魚，有個小醬汁提供，沾了就較濃味。飲品朋友叫了個西柚碳酸水，冰凍酸酸地，正好中和下，我就叫左個檸檬薑汁。 食完好飽，大滿足，癸準備肥多幾磅了。