Video
Read full review
2014-01-09
2238 views
一直都想試呢間大排檔, 就揀左呢晚同屋企人黎開飯.當晚好凍, 二話不說就叫左一鍋雞粥暖下肚, take完order好快就上枱, 叫左大size, 份量都幾多, 粥煲得好棉, 雞夠滑, 唔會有雞既腥味, 食完即係暖哂, 冬天食感覺寧舍有風味!食完粥緊係黎個豉油王炒麵啦, 都算有獲氣, 幾乾身, 麵有少少燶, 但反而脆脆地, 幾香口.仲有招牌菜, 紅燒乳鴿, 好大隻多肉, 本來以為咁大隻會偏"鞋" ,但絕對無呢個問題, 做到皮脆肉嫩既效果.豉椒炒鵝腸, 味道其實唔錯, 但炒得太濕同唔夠獲氣, 而且鵝腸太少, 麻麻地., 避風塘炒蝦, 本應係一度好惹味既菜, 但蝦唔夠金黃唔夠脆, 就算有一大堆炸蒜都變得失色唔少.西蘭花炒斑塊, 斑塊食到雪藏味, 掩蓋得唔夠好.時菜炒肉片, 好夠獲氣, 但油左少少.呢度兩款招牌菜確係做得唔錯, 但其他小菜水準卻一般, 住o係附近為佢既招牌菜再黎無妨, 但山長水遠的話一次就夠.
當晚好凍, 二話不說就叫左一鍋雞粥暖下肚, take完order好快就上枱,
叫左大size, 份量都幾多, 粥煲得好棉, 雞夠滑, 唔會有雞既腥味, 食完即係暖哂,
冬天食感覺寧舍有風味!
食完粥緊係黎個豉油王炒麵啦, 都算有獲氣, 幾乾身, 麵有少少燶, 但反而脆脆地,
幾香口.
仲有招牌菜, 紅燒乳鴿, 好大隻多肉, 本來以為咁大隻會偏"鞋" ,
但絕對無呢個問題, 做到皮脆肉嫩既效果.
豉椒炒鵝腸, 味道其實唔錯, 但炒得太濕同唔夠獲氣, 而且鵝腸太少, 麻麻地.,
避風塘炒蝦, 本應係一度好惹味既菜, 但蝦唔夠金黃唔夠脆,
就算有一大堆炸蒜都變得失色唔少.
西蘭花炒斑塊, 斑塊食到雪藏味, 掩蓋得唔夠好.
時菜炒肉片, 好夠獲氣, 但油左少少.
呢度兩款招牌菜確係做得唔錯, 但其他小菜水準卻一般,
住o係附近為佢既招牌菜再黎無妨, 但山長水遠的話一次就夠.
Post
