莆田 (荷里活廣場)

Open Now

Now Closed

之前同個朋友去完西貢玩之後，回程嘅時候就去鑽石山食晚飯，坦白講荷里活廣場高質嘅餐廳就唔多，最後就選擇咗呢間食福建菜嘅餐廳。最後同個朋友就揀咗一個二人餐，每人就會有一客鮑魚，一隻大閘蟹，一條淡水魚，椒鹽豬手，同埋兩個人分享一個海鮮滷麵，去到最後仲會有甜品。坦白講，我就平時好少食福建菜，所以我就好難去比較，我覺得客鮑魚同大閘蟹就還好，但係條淡水魚就係基本上冇味，同埋超多骨，我諗骨呢個情況都應該係預期之內。本身就唔係太鍾意食豬手，不過個套餐包埋咁就冇計，我覺得味道就OK嘅，不過就真係唔太健康。個海鮮滷麵就好過預期，都幾好食。最後兩個人就大約$800埋單，我覺得係合理水平。