Video
Read full review
2006-06-18
53 views
為左滿足我以上夢想, 今日游過水, 7點鐘同男朋友2人成團, 轉2程車咁由tst去深井。去到都差唔多開波喇。首選都係傅記。因為其他食肆都有不少不愉快經驗... 知傅記有波睇就更加唔駛諗~ 8點半2位。傅記有2邊。一邊食燒鵝小菜, 另一邊食小菜客飯。2邊都可以亂坐, 佢地會將食燒鵝果檯鋪上檯布以作識別。同時, 食客飯果邊的制服同事係唔會對你的要求作回應的。為左滿足我大杯酒, 大塊肉的奢侈心理, 2個人食左半隻燒鵝, 草菇扒菜膽。亦因為冇魚扣, 改叫了風沙白鱔再加多d特價十蚊carlsberg。是日燒鵝水準不錯~ 皮脆得卜卜聲, 少不免食到成下巴都係油。不過真係肥左d, 背部的肥油都成2mm厚! 不過食得燒鵝都預左油, 咬開d肥肉, 照食可也。草菇扒菜膽的草菇真係好食~ 勁甜而冇草菇的草青味~ 菜膽就略嫌佢切得求其, 切口下尚有連住的位, 搞到我食得lair咁hair! 又搞到成咀係! 不過整體而言食味不錯。最後來的風沙鱔, 風沙中夾住小蝦仔, 果然係近馬灣! 個風沙比起好多地方正! 將鱔先沾上食鵝的梅醬, 再沾上風沙, 味道正得佢呢~ 不過要趁熱食~ 呢度前菜碟酸菜千祈咪睇少! 好食架~
去到都差唔多開波喇。首選都係傅記。因為其他食肆都有不少不愉快經驗... 知傅記有波睇就更加唔駛諗~ 8點半2位。
傅記有2邊。一邊食燒鵝小菜, 另一邊食小菜客飯。2邊都可以亂坐, 佢地會將食燒鵝果檯鋪上檯布以作識別。同時, 食客飯果邊的制服同事係唔會對你的要求作回應的。
為左滿足我大杯酒, 大塊肉的奢侈心理, 2個人食左半隻燒鵝, 草菇扒菜膽。亦因為冇魚扣, 改叫了風沙白鱔再加多d特價十蚊carlsberg。
是日燒鵝水準不錯~ 皮脆得卜卜聲, 少不免食到成下巴都係油。不過真係肥左d, 背部的肥油都成2mm厚! 不過食得燒鵝都預左油, 咬開d肥肉, 照食可也。草菇扒菜膽的草菇真係好食~ 勁甜而冇草菇的草青味~ 菜膽就略嫌佢切得求其, 切口下尚有連住的位, 搞到我食得lair咁hair! 又搞到成咀係! 不過整體而言食味不錯。最後來的風沙鱔, 風沙中夾住小蝦仔, 果然係近馬灣! 個風沙比起好多地方正! 將鱔先沾上食鵝的梅醬, 再沾上風沙, 味道正得佢呢~ 不過要趁熱食~
呢度前菜碟酸菜千祈咪睇少! 好食架~ 食食下鵝漏漏地, 食返舊酸菜不知幾醒胃! 同埋今次發現個梅醬原來都有d料到!
食住鵝, 睇迪高球世界波, 仲有靚仔c朗, 都只係2百鬆d, 真係抵食! 不過奉勸各位, 有心人就早d去霸位喇。出面真係十分熱! 熱到成身臭汗咁走!
Post