Video
Read full review
2013-09-03
952 views
朋友生日提議試這間, 但睇食評知道這間大多是露天位, 而近來天氣不穩時常落雨, 都預備定多一間做後備. 感恩這晚天氣至是落咗一陣大大雨, 而飯店已做好準備放下帆布遮擋, 只是靠邊既朋友背後有雨水從帆布缷下來...在又迫又無冷氣既環境中加了涼快感 ^o^ 而我哋坐近走廊位既就成晚閃來閃去食飯, 因為每枱好迫, 走廊位好窄, 侍應好勤力地不停拿著一大盆熱粥, 熱餸在好"洗"既走廊上衝來衝去, 又要誇過食客既頭頂及背部, 過完一枱又一枱先可以安全將餸送到每枱, 我哋坐近走廊就成日要閃避佢個盆, 十分驚險. 不過大排檔feel既食店有這情況都不足為奇. >_<~開飯啦!! 我哋7個美女(^^)order了煎蠔餅, 炸花枝丸, 卥水鵝腸, 鹽焗烏頭, 金不換炒蜆, 方魚肉碎粥, 炒油 麥菜, 冰鎮菠蘿. 蠔餅 - 好大塊好脆, 但不是啖啖蠔, 而蠔都不是太大隻. 如喜歡啖啖蠔既朋友, 我提議你哋可以試太子既陵發, 啖啖蠔又大隻. 炸花枝丸 - 好大個, 幾彈牙, 有啲似泰式炸蝦丸. 方魚肉碎粥 - 好大鍋, 好多料, 方魚炸得好香, good! 鹽焗烏頭 - 真係用大籠
開飯啦!! 我哋7個美女(^^)order了煎蠔餅, 炸花枝丸, 卥水鵝腸, 鹽焗烏頭, 金不換炒蜆, 方魚肉碎粥, 炒油 麥菜, 冰鎮菠蘿.
蠔餅 - 好大塊好脆, 但不是啖啖蠔, 而蠔都不是太大隻. 如喜歡啖啖蠔既朋友, 我提議你哋可以試太子既陵發, 啖啖蠔又大隻.
炸花枝丸 - 好大個, 幾彈牙, 有啲似泰式炸蝦丸.
方魚肉碎粥 - 好大鍋, 好多料, 方魚炸得好香, good!
鹽焗烏頭 - 真係用大籠將鹽埋住烏頭來焗, 好夠味肉質實實地, 魚尾仲掛住個牌寫住"楊氏元朗烏頭, 食出烏頭真正味道", 原來係本地生產, 話明俾你知係正貨. 但本人對魚唔多認識, 所以都唔知係咪真係咁正.
金不換炒蜆 - 好泰式, 勝在夠惹味啲蜆又無沙隻隻都有肉.
冰填菠蘿 - 全場大家最踴躍既菜式, 原個菠蘿切件鎮在冰上, 簡單原始就咁上碟, 原始到無起釘無切芯不經任何調味烹調成為 $68. 但街市買個都係十幾蚊咋喎........但冰鎮時間始終唔長, 所以面既係唔凍, 但食完咁多熱氣嘢食件涼涼地既菠蘿當清熱.
Other Info. :
在大圍咁難搵食既地方有這間都唔錯又唔太貴既打冷已經係好好啦, 如坐在室內冷氣房會食得舒服啲同安全啲.
(The above review is the personal opinion of a user which does not represent OpenRice's point of view.)
Post
