燒肉屋 (清風街)

啱啱去完歐洲做義工，日日都體力勞動，返到嚟忍唔住要食返啲邪惡嘢平衡一下🤪呢日去到天后清風街嘅燒肉屋就啱晒喇😎餐廳主打日式燒肉，除咗原汁原味嘅A5和牛、日式燒肉，仲有啲fusion口味嘅醃漬燒肉😛🥬任添小菜、生菜一坐低就會送上生菜以及幾款小菜，可以任添😍小菜有麻辣牛舌粒、泡菜、枝豆、茄子等，彈牙嘅牛舌粒麻麻辣辣好上癮😋枝豆鹹鹹辣辣都幾好食😙🥩厚切A5和牛粒三拼（A5宮崎雪花和牛粒、A5宮崎和牛稀有牛眼蓋、牛舌）超級邪惡、油份豐富嘅A5和牛😈牛舌好爽彈、和牛粒滲出油脂香、牛眼蓋好少見，軟腍富油香💦配生菜食就可以解膩啱啱好。🥓四味五花肉（黑椒鹽、韓式醬汁、蔥蒜、果味醬汁）大大條厚厚嘅五花肉掛係架上特別吸引🤩四款口味各有特色，燒至外面焦香，內裡彈牙，肥瘦相間，口感幾好😗🐟爽脆白鱔片／燒鰻魚（配浦燒醬汁）新鮮厚肉，口感爽脆，燒到9成熟時塗上燒汁再燒，味道更香😝🍹百香果撞橙冰、蜜桃烏龍熊茶熊茶加入熊仔冰塊好可愛🥰兩款飲品清清地正好解膩。人均消費：$430推介指數（10分為滿分）：8分