Video
Read full review
2023-01-23
756 views
🥰 話說 Suzuno 舊舖係我最喜愛鮨店之一, 今日初訪新店, 期望見到鄧師傅, 可惜師傅臨時缺陣.🥢 餐廳位於黃泥涌道馬路地舖. 設一張長型十人壽司吧枱, 裝修典雅, 杯碟精緻, 硬件比舊舖優勝.🤗 今日點咗壽司套餐, $680+10%, 十二件壽司加蝦丸, 定價中上, 老友 “甘仔” 讚口不絕, 特別欣賞徒弟嘅調味. 我嘅評語係: 沒有鄧師傅, 沒有表演, 沒戲了, 用餐體驗相對 “直接”. 整體魚料質素不俗, 但唔多驚喜位, 最開心係食到傳說中嘅香箱蟹, 數下數下, 最後食咗十四件壽司, 哈哈哈.🥕 千切大根. 正常.🍥 茶碗蒸. 可以再熱少少, 味道Ok嘅.🍣 第一件.. 平目魚, 配辣蘿蔔蓉. 味淡.🍣 第二件.. 真鯛. 油份跑出.🍣 第三件.. 金目鯛. Suzuno 獨特嘅處理手法: 用熱水淥熟魚皮. 我都係鍾意炙燒版本囉.🍣 第四件.. 間八. 煙煙韌韌, 有趣.🍣 第五件.. 關鯖. 魚味濃郁, 我鍾意.😱 第六件.. 帆立貝. 竟然忘記影相.🐙 第七件.. 水八爪魚, 北海道. 鎮店名菜之一, 我麻麻哋, 睇好過食.🍣 第八件.. 池魚. 肉質緊實, 油脂豐富,
🥢 餐廳位於黃泥涌道馬路地舖. 設一張長型十人壽司吧枱, 裝修典雅, 杯碟精緻, 硬件比舊舖優勝.
🤗 今日點咗壽司套餐, $680+10%, 十二件壽司加蝦丸, 定價中上, 老友 “甘仔” 讚口不絕, 特別欣賞徒弟嘅調味. 我嘅評語係: 沒有鄧師傅, 沒有表演, 沒戲了, 用餐體驗相對 “直接”. 整體魚料質素不俗, 但唔多驚喜位, 最開心係食到傳說中嘅香箱蟹, 數下數下, 最後食咗十四件壽司, 哈哈哈.
🥕 千切大根. 正常.
🍥 茶碗蒸. 可以再熱少少, 味道Ok嘅.
🍣 第一件.. 平目魚, 配辣蘿蔔蓉. 味淡.
🍣 第二件.. 真鯛. 油份跑出.
🍣 第三件.. 金目鯛. Suzuno 獨特嘅處理手法: 用熱水淥熟魚皮. 我都係鍾意炙燒版本囉.
🍣 第四件.. 間八. 煙煙韌韌, 有趣.
🍣 第五件.. 關鯖. 魚味濃郁, 我鍾意.
😱 第六件.. 帆立貝. 竟然忘記影相.🐙 第七件.. 水八爪魚, 北海道. 鎮店名菜之一, 我麻麻哋, 睇好過食.
🍣 第八件.. 池魚. 肉質緊實, 油脂豐富, 出色.
🐚 第九件.. 赤貝. 爽口, 我一直都領略唔到赤貝嘅味道.
🦀 第十件.. 香箱蟹. 第一次食, 未懂欣賞, 賣相出色.📖 翻查資料: 香箱蟹即係松葉蟹乸, 主要食內子同埋外子, 內子即係蟹膏, 外子即係蟹籽. 傳統懷石料理中, 師傅先取下內子外子, 再連同蟹腳蟹身嘅肉一併釀回蟹殻供客人享用. 由於貌似寶石箱, 取名香箱蟹.
🦐 海老真丈. 鎮店名菜之一, 熱辣辣, 水準之上.
🍣 第十一件.. 中拖羅. 非常肥美.
🍣 第十二件.. 大拖羅. Suzuno 獨特嘅版本: 落鹽調味. 肥美, 甘香.
🍣 第十三件.. 吞拿魚醬油漬. 魚身滑溜, 醬油味道甘香, 可惜鹹咗少少.
🐚 第十四件.. 海膽. 分量慷慨, 發揮理想.
🥣 麵豉湯. 夠熱.
☕️ 咖啡. 合格.
🤗 總結: 環境舒適, 座位闊落, 服務殷勤, 魚料質素不俗, 味道出色. 食嘢講緣份, 今餐沒有鄧師傅, 沒戲了, 期待再訪.
Post
