Video
Read full review
2024-06-06
1657 views
無奢想過酒店中菜廳，即使食勻頭盤、主菜、甜品；環境有夠寬敞，設有落地大玻璃美景海景一覽無遺，人均都只係二百令蚊！！於是約左我「藍」朋友摸摸茶杯底，一傾就兩個幾鐘了⋯另外！！必須！！大讚！！服務真係好細心殷勤！職員見到我懷孕好醒目咁拎左咕𠱸俾我挨住坐得舒服啲，而且我出出入入都會幫我拉凳，有時我都未講要咩已經知道我想點，真心非常欣賞！！·午市套餐頭盤及主菜$128或$188甜品+$38 飲品+$20星期一至五由上午11:30至下午3:00供應⚑ 頭盤⍥ 白切雞卷 刀功了得既薄切雞卷，肉質嫩滑，唔會肥膩，作為前菜幾開胃。⍥ 蝦春卷春卷新鮮炸起緊係襯熱食，香脆可口唔油膩，內餡有蝦米及香菇，口感豐富，好食！⚑ 主食⍥ 焗豬扒飯豬扒厚切，份量又多，面頭大量拉絲芝士及新鮮蕃茄，焗豬扒飯另一重點必須要係炒飯底，邊位微微焦香，味道偏酸。⍥ 金湯雞粥熱焫焫既雞粥令我地非常期待，雞絲嫩白粥綿，仲有鹹香蠔豉及脆卜卜油條，唔油得黎仲好暖胃，我同藍朋友都大讚！⚑ 甜品⍥ 焦糖豉油布甸布甸走厚實路線，蛋味濃郁，有豉油既balance焦糖唔會顯得好甜，特別得黎好好食啵！⍥ 鹹檸檬芒果松子米酥上層係鹹檸檬乾及芒果乾
另外！！必須！！大讚！！服務真係好細心殷勤！職員見到我懷孕好醒目咁拎左咕𠱸俾我挨住坐得舒服啲，而且我出出入入都會幫我拉凳，有時我都未講要咩已經知道我想點，真心非常欣賞！！
·午市套餐
頭盤及主菜$128或$188
甜品+$38 飲品+$20
星期一至五由上午11:30至下午3:00供應
⚑ 頭盤
⍥ 白切雞卷
刀功了得既薄切雞卷，肉質嫩滑，唔會肥膩，作為前菜幾開胃。
⍥ 蝦春卷
春卷新鮮炸起緊係襯熱食，香脆可口唔油膩，內餡有蝦米及香菇，口感豐富，好食！
⚑ 主食
⍥ 焗豬扒飯
豬扒厚切，份量又多，面頭大量拉絲芝士及新鮮蕃茄，焗豬扒飯另一重點必須要係炒飯底，邊位微微焦香，味道偏酸。
⍥ 金湯雞粥
熱焫焫既雞粥令我地非常期待，雞絲嫩白粥綿，仲有鹹香蠔豉及脆卜卜油條，唔油得黎仲好暖胃，我同藍朋友都大讚！
⚑ 甜品
⍥ 焦糖豉油布甸
布甸走厚實路線，蛋味濃郁，有豉油既balance焦糖唔會顯得好甜，特別得黎好好食啵！
⍥ 鹹檸檬芒果松子米酥
上層係鹹檸檬乾及芒果乾，下層係松子做成既酥餅，煙韌中帶點香脆，口感同雪花酥有啲相似，甜度低值得一讚！
⚑ 飲品
⍥ 西湖龍井
茶味香濃唔會澀口，用黎清清喉嚨減少油膩感係唔錯。
Post
