金公館 (彩明商場) (Moved) New Location

彩明商場最近又新開咗一間食店-金公館，主打京川粵菜，有點心食，又有京川菜食，以後食嘢多一個選擇。裝修都ok呀，D枱都唔算迫，地方都幾乾淨。有兩張落單紙，一張係點心，一張係午市，午市嗰張主要係京川嘢。我第一次食酸辣粉，覺得個味好香，好惹味，餸就少D料，只有少量芽菜、肉碎同花生🥜，食嘅時候要小心，唔覺意好易搶喉🤭蝦餃都唔錯，味道幾好，蝦🦐較為碎小籠包冇咩湯汁，皮算薄，唔乾，D肉都幾好食，個醋有薑粒，好味。腸粉都好足料，有足夠嘅叉燒粒，腸粉皮算滑。棉花鷄都幾好，唔係用豬皮，不過蟹柳粉咗D😛不過要留意吓張單啱唔啱，今次我係搭枱嘅，哩張係初落單紙完全冇問題，但係A枱加單竟然之後加咗落正枱張單度，好彩A枱嘅茶客發現，改咗單後點心冇錯，但係我兩個人，佢收三個茶位，所以埋單記得check單呀⋯⋯職員服務唔錯😊，有禮貌又快手，暫時好過豪X好多😝。