天心 (Closed)

如果要推介一間係旺角嘅隱世日式餐廳，呢間天心一定on the list，除左有多款難得一見嘅特色菜式，環境非常舒適，服務又好！餐廳位於The Forest 一樓，係TINY隔離穿過條天橋就見到。天心提供多款富特色的火鍋，包括鮟鱇魚肝鍋、香檳鍋、九州著名嘅牛肚鍋，仲有串炸、拉麵同特色甜品。飲品方面都好有誠意，晚市有$298、$398無限時日本酒放題，同埋打氣清酒吧，啱晒酒鬼們！廣島蠔香檳鍋（$718）二人份包括兩隻大蝦、八隻廣島蠔及蔬菜盤，以豬骨湯作為湯底的主要鹹香來源，上枱後店員再係客人面前倒入moscato。廣島蠔質感非常鮮嫩，入口即化，讓人感受到豐富的海味，加上香檳嘅香甜，令鮮味更能夠被突顯出來。另外仲有個人好喜愛嘅雜錦蔬菜盤，有多款菜、菇類、蒟蒻、葛絲等，十分豐盛！芝士雜炊（$48）店員推介嘅芝士雜炊，食完甘正嘅火鍋，由店員將珍珠米及芝士加入湯底稍微加熱，等啲芝士融化就可以，米飯煮得剛剛好，帶有黏稠感再加埋湯底精華，非常值得一試！呢度甜品選擇多又特別，今次就揀左蘋果檸檬芝士蛋糕（$65）及開心果羽二重芝士奶油夾心餅（$62），前者口感綿密，帶有明顯的檸檬香氣，搭配蘋果肉的微酸味及