川大哥

Open Now

Now Closed

而家唔使北上都食到出色嘅酸菜魚，估唔到仲發展到加埋串燒，成班朋友嚟都啱食。黃金酸菜魚鍋好足料，有大量大大片嘅鯛魚，滑得黎有魚味唔腥。 我鍾意個酸菜金湯好夠味，魚片、芽菜同火鍋料滾一陣都好入味，唔會太酸辣冇乜油。 加左手切肥牛，有肉味值得一食。自家製炸響鈴卷有驚喜，唔係一般即炸響鈴嘅質地，大大條好鬆化，配酸菜魚湯真係一流。雞翼、豬頸肉同芝士腸燒得好香口，表面脆脆地仲灑咗辣椒粉、孜然粉等香料，好惹味。 燒粟米本身好甜，表面少少焦香。蒜香燒茄子好腍滑，符合我對港式燒茄子嘅期望，大大條熟透夠香辣。