Video
Read full review
2020-11-15
46 views
一黎到侍應已經詢問我哋飲咩茶，之後可以慢慢邊嘆茶邊睇餐牌。香片味好濃郁，配合食辣嘅亦都好夾。裝修嘅格調以優雅舒服感覺為主，地方闊落，空間感十足。每台都放上黃菊花，幾特別。老壇酸菜魚 (桂花)主角當然係佢，可以揀桂花魚或者龍躉，最後想食滑啲嘅魚肉就揀咗桂花魚。份量相當足夠，好大碗。食落魚嘅肉質十分鮮滑、冇腥味，好食。當然仲有大量嘅配菜，酸菜、蓮藕、萵筍等，當然仲有薯粉，同埋比較特別嘅係仲有經炸過嘅魚骨部位，好香口。配菜已經完全入晒味，辣得來好有感覺。蔥油麵 唔諗住食飯，但希望有點飽肚感覺，所以叫咗一碗蔥油麵。配合特製蔥油，上枱時已覺香氣十足。撈埋同麵一齊食，麵質彈牙，另外仲有蝦亁，食落好滋味。食酸菜魚又多咗一個好地方選擇！
一黎到侍應已經詢問我哋飲咩茶，之後可以慢慢邊嘆茶邊睇餐牌。香片味好濃郁，配合食辣嘅亦都好夾。
裝修嘅格調以優雅舒服感覺為主，地方闊落，空間感十足。每台都放上黃菊花，幾特別。
老壇酸菜魚 (桂花)
主角當然係佢，可以揀桂花魚或者龍躉，最後想食滑啲嘅魚肉就揀咗桂花魚。份量相當足夠，好大碗。食落魚嘅肉質十分鮮滑、冇腥味，好食。當然仲有大量嘅配菜，酸菜、蓮藕、萵筍等，當然仲有薯粉，同埋比較特別嘅係仲有經炸過嘅魚骨部位，好香口。配菜已經完全入晒味，辣得來好有感覺。
蔥油麵
唔諗住食飯，但希望有點飽肚感覺，所以叫咗一碗蔥油麵。配合特製蔥油，上枱時已覺香氣十足。撈埋同麵一齊食，麵質彈牙，另外仲有蝦亁，食落好滋味。
食酸菜魚又多咗一個好地方選擇！
Post
