民華餐廳

Open Now

Now Closed

今日休息，同阿媽落街嘆早餐，係人都知屯門有間民華餐聽，佢哋嘅常餐特別出名，點解？因為佢哋係呢個嘅天氣，裏面嘅冷氣仲可以好冰涼，坐低飲番杯紅豆冰，簡直係身心舒爽啊。佢哋除咗常餐，仲有點心食架，我哋叫咗個燒賣，一份都有四粒架，而且價錢又抵，大大粒，原來唔使去酒樓，都可以食到中式點心㗎。除咗普通燒賣，仲有鵪鶉蛋燒賣架，粒粒都好大粒，仲要脹卜卜，即叫即蒸，雖然係等得耐少少，但係勝在夠新鮮呀嘛。佢馳名嘅常餐，今日我叫咗嘅事蕃茄湯底叉燒通粉,夠晒大碗,正在仲要個湯底酸酸甜甜好後嘅蕃茄湯味,一早食呢個湯底,真係夠晒醒胃，叉燒好大塊,雖然只係偏瘦,但係啱晒我呢種減肥嘅人士。炒蛋配火腿，個炒蛋好香好滑，灑上少少鹽花，份外滋味，火腿就篇薄左少少啦。但係勝在個多士勁厚，而且叫多士都唔使加錢，如果加多兩蚊可以變成奶油多啦。