幕多

Open Now

Now Closed

依間拉麵店只賣一款醬油蝦濃湯麵，比較特別嘅地方係可以揀刀削麵或者拉麵，蝦湯非常濃郁，上抬時仲會淋啲蝦油，蝦味相當濃郁，而拉麵嘅配料主要有兩隻醬油蝦，仲有蔥同埋櫻花蝦，醬油蝦已經預先剝殼，所以好容易食。除咗拉麵，仲有幾款醬油小食可以選擇，固定嘅有溏心蛋、蝦、蠔、鮑魚，同埋會轉嘅是日精選款式，因為拉麵本身唔包蛋，所以加咗一隻，溏心蛋屬於正常水準，另外再加咗蠔，隻蠔好大隻又夠飽滿，醬油同隻蠔都好夾，蠔嘅味道同質感係唔錯，不過一隻就要$38，定價有啲進取，以拉麵店嚟講唔算平。