鮮入圍煮 (Moved) New Location

係街市入面打邊爐？ 咁有風味嘅地方已經少之又少， 呢間餐廳就係想重拾舊日情懷，樓上餐廳內設有海鮮檔口，客人可選購新解海鮮🤩原本想叫佢嘅花膠雞煲湯底，不過兩個人又驚食唔晒，所以揀咗平實嘅蕃茄薯仔湯底（$78），但湯料都好豐富，成鍋都係蕃茄，紅紅的。 牛摩王必試手切安格斯牛肉（$188），肉色鮮艷，花紋清晰，脂肪比例平均，入口嫩滑，滿滿牛肉香味。 牛骨汁濃湯牛丸（$48），一如佢嘅形容，牛丸非常彈牙，入面有盛滿濃湯，一咬立即爆發，香濃令人回味。另外帶子水餃🥟（$48），咬開可以明顯見到一粒粒帶子，份量十足。娃娃菜（$32）稻庭手打烏冬（$28）下次叫多啲人試佢個花膠雞煲先😋