部屋咖啡室

好耐冇上café，知道mk有間新開又有玻璃窗幕，又多野玩，就上去同朋友吹下水食下野玩下。仲有好多野玩咁。兩個人叫左兩個dinner set:先黎餐湯。蛋黃汁卡邦尼意粉$82配料有忌廉、煙肉、蘑菇、洋蔥，汁唔算好多，味道偏淡，唔算太creamy。但係份量係超大，兩個人都要share慢慢食先食得晒。烤雞蘑菇闊條麵 $85有忌廉汁，配烤雞肉蘑菇洋蔥青椒，闊條麵要軟左小小，濕濕地吸到d忌廉汁, 烤雞反而幾好食，同樣麵既味道偏淡，如果你係重口味就要叫d再重口味d既野食啦!跟餐小食$20美式麥樂雞必叫！真係估唔到跟餐小食有8件咁多，而且d麥樂雞的肉好軟身，似係新鮮自己整既，配上他他汁，個汁都好好味。美式炸薯條跟餐小食$20成籃薯條，仲要即炸好脆身，又唔太咸，都係必叫！跟餐甜品$15記得加錢叫，因為自家製既豆腐芝士蛋糕，好軟身，但唔會好多芝士好滯，仲有好香既豆腐味。薄荷朱古力加珍珠$40+3因為太喜歡食珍珠所以加珍珠，薄荷朱古力薄荷味好重，涼陣陣，珍珠就軟身ｄ。蜜桃柚子梳打$42勁多柚子係底，蜜桃味甜甜地幾開胃。唔好講笑，太貪心叫左兩個跟餐小食成台都係野食，好多又好飽。