霸王山莊 (Closed)

霸王山莊既裝潢又真係幾霸，一上樓就有一種瑰麗堂皇既感覺。之前睇左好多食評都話呢間既服務麻麻地，不過我又唔覺得佢地既服務唔得喎，反而食物既質素就......食物未至於食到要喊咁口，不過就無乜驚喜，亦無乜深刻印象。如果要講印象，就似乎負面既印象多於正面既印象。唔知佢地係唔係想突出一 d 懶係細微既味道，反而搞到d 味道過哂火位。好似佢地既雞絲粉皮，麻醬本身的而且確帶有好輕微既甜味，但係霸王山莊就唔知做左乜野，過份突出左呢種甜味，結果我好似食左一啖糖入口咁甜，咁就當然係失敗啦。除此之外，松子魚亦都唔見得好，魚炸得過火，炸到硬骨骨，醬汁就酸到無倫，咁點樣食好呢？片皮鴨就烤到乾箏箏，面皮就鞋過張A4紙，唔夠加就要俾錢，12蚊得果6塊。做得最差既係豆炒窩餅，皮厚而饀少，連平時最鍾意食豆沙窩餅既我都只係食左一件就收手，唉~~~~~~嘥左個咁靚既場！