莆田 (荷里活廣場)

Open Now

Now Closed

近排大閘蟹開始上市，莆田都有大閘蟹食，我同老公梗係嚟莆田食啦！皆因佢啲食材保證新鮮，真材實料，嚟呢度食真係開心又放心。✨大閘蟹$168/隻每隻蟹都有5兩重，啲蟹膏又多又金黃，蟹膏入口甘香，綿滑。✨荷葉包兩份$38/份肉絲配醬炒得好夠味，鹹甜配搭適中，配埋荷葉造型嘅餅，非常好食。✨興化炒米粉佢嘅米粉係好彈牙唔會淋bet bet，而且咬落去有啲煙韌，一定要配埋佢特製嘅辣椒醬先好食。✨蚵仔煎最鍾意佢啲蠔仔細細粒但係好肥美，咬落去又有蛋香味又有蠔嘅鮮味。✨荔枝肉呢個係酸酸甜甜嘅菜式，啖啖肉，好好餸飯。咁啱適逢蒲田23週年慶典，每台客人都送一樽辣媽辣椒醬，真係好開心呀。