釜山商會

嚟到尖沙咀同紅磡交界嘅韓國街，韓國餐廳集中地，今次食正宗嘅釜山料理～～先嚟一個釜山商會特色燉煮拼盤，一大盤上枱，配埋Gas爐，員工喺面前煮嘅海鮮豬肉大雜燴，有爽口彈牙小章魚、肉質爽彈唔肥膩嘅五花肉、同埋鮮甜嘅蝦肉～味道少少辣幾惹味，仲有韓式粉絲~~另外叫咗個豬肉湯飯，呢個豬肉湯味道非常之濃郁，好飲，撈湯飯食一啖接一啖食唔停口，上枱熱辣辣~心機之作，花時間烹調嘅料理～豬肉軟腍入味～另外呢度嘅小食除咗可以無限量添加，款式同味道都唔錯～呢度座位闊落，仲有個特色黑板可以打卡留念～啱晒同朋友一齊聚會～