Undici

Open Now

Now Closed

朋友介紹我話銅鑼灣耀華街有間好抵食而且高質嘅西餐。所以今晚經過耀華街就決定去試試。➰ 脆辣雞芝麻醬凱撒沙律清新嘅凱撒沙律配上香濃醇厚嘅芝麻醬，非常好味，再配上4件厚厚嘅香脆炸雞，口感非常酥脆，而且炸雞上還唧上蕃茄醬和沙拉醬，更增加咗口感嘅層次。➰ 秘撈薯條呢個秘撈薯條炸到好香脆，雖然見到有辣椒，唔好以為好辣，只是微微辣而已，可以講係「香辣」，真係好食到停不到口。➰ 椰香冬陰功海鮮意粉濃郁嘅椰香和酸辣嘅冬陰功汁融入在意大利粉中非常惹味，口感好豐富。海鮮方面有青口、蝦和帶子，全部海鮮都好新鮮兼且肉質夠晒鮮美。➰ 蒜香辣椒蜆肉意大利粉配軟殼蟹從未見過用石鍋盛意大利粉，呢個真係夠晒別。意大利粉充分吸收咗蒜香味而且還帶些微辣，在意大利粉當中還有不少飽滿嘅蜆肉，蜆肉肉質夠晒細嫩，增添咗不少海鮮的鮮美風味。呢個意大利粉嘅主角當然係巨大嘅軟殼蟹，軟殼蟹炸到外層好香脆，而蟹肉又能保持到鬆軟Q彈，夠晒香口。➰ 紅肉火龍果梳打呢杯飲品面層充滿泡泡感，有火龍果味道再加埋清爽嘅梳打，整個口感夠晒清新。➰ 特濃芒果乳酪濃厚嘅乳酪配上香甜嘅芒果，呢杯飲品真係好鬼正。