大排檔小炒 (華發大廈)

Open Now

Now Closed

🔍大排檔小炒 📍銅鑼灣駱克道405-419號華發大廈地下A號舖-----最近天氣好凍，原本諗住去街邊大排檔感受下嗰種煙火氣，但呢個季節喺街邊食飯真係有啲刺激。於是就揀咗銅鑼灣呢間室內大排檔，環境乾淨舒服，可以食到大排檔嘅美食，又唔使驚凍親。餐廳地點幾方便，由銅鑼灣地鐵站行過去大約4-5分鐘。裝修有啲懷舊Feel，木枱木椅，加埋啲復古招牌，保留咗港式大排檔嘅懷舊味道。1️⃣ 金銀蛋肉碎浸時菜（白菜仔）時菜有好多款可以揀，好似生菜、油麥菜、白菜仔、菜心、芥蘭、豆苗等等。我哋揀咗白菜仔，啲菜一上枱就聞到金銀蛋嘅香味，好吸引。白菜仔煮得啱啱好，嫩綠鮮甜，吸晒湯底嘅精華。湯底用金銀蛋提鮮，再加埋啲肉碎，味道更加濃郁，鹹香但唔覺膩。2️⃣ 鐵板黑椒龍蝦呢道係是晚嘅主角，一上枱，鐵板嘅滋滋聲再加埋醬汁嘅香味，令隔離枱都忍唔住望埋嚟。龍蝦份量十足，肉質鮮嫩彈牙，黑椒汁調得恰到好處，帶少少蜜糖香氣，仲有三色椒等，唔會太濃，完全冇蓋過龍蝦本身嘅鮮甜味。每一啖都係鮮香加微微甜辣，好高質。3️⃣ 啫啫滑雞煲啫啫煲一向係大排檔嘅靈魂菜式，嚟到梗係要點嚟試下啦。雞肉鮮嫩多汁，裏面仲有大量豬膶，加埋鹹香濃郁嘅醬汁，仲有啫啫煲獨