申子居酒屋

Open Now

Now Closed

今次其實係二訪，之前同朋友食過覺得幾好，佢就叫我再嚟食，不過今次就想試吓啲貴啲嘅嘢。食完都覺得好滿意，唯一可惜嘅係第二日要返工，就費事飲酒。‣ 申子海膽和牛燒 $378海膽嘅鮮甜同埋和牛嘅油脂香，簡直係最佳配搭。而店員都會喺你面前即場燒俾你，視覺嘅效果真係一百分，講好咗五成熟就真係五成熟，火候控制得好好。飯已經沾滿咗蛋漿，被和牛包裹住，味道相當豐富，真係回味無窮。‣ 蟹肉蟹膏蟹甲燒配多士 $148因為多士賣晒嘅緣故，店員同我哋講話會轉成飯焦。我覺得咁樣其實幾驚喜，同樣都係脆卜卜嘅口感，但係更加薄身香口，而蟹膏完全唔腥，成個味道令人更加覺得滿意。‣ 鮮蟹肉粥 $168蟹肉粥食嘅時候好舒服，份量啱啱好，我幾鍾意佢嘅味道，唔會太濃又唔會太淡，你又會食到蟹嘅鮮甜味，而粥底本身口感滑順，食完暖笠笠。‣ 日式雞鎚花蝦 $118雞鎚嘅外皮就係櫻花蝦，用櫻花蝦作為外皮相對上都比較少見，而食嘅時候除咗食到櫻花蝦嘅鮮味之外，雞鎚嘅雞肉都好嫩滑。而雞鎚同時仲附送蛋黃醬，令到成個味道更加豐富。