泰簡單

Open Now

Now Closed

銅鑼灣呢間泰國餐廳由泰國廚師主理，連大部分店員都係泰國人，好似真係去左泰國食野咁呀😆Indoor燈光柔和、裝潢精緻，outdoor則較chill、有度假feel，同樣適合打卡。🦐鮮炸蝦餅拼香辣炸魚餅 $92炸蝦餅外炸得香脆，蝦肉鮮香彈牙。炸魚餅帶冬陰功香料味道，非常開胃😍🥬飛天通菜 $95整個菜式帶香濃蒜、辣椒、豆醬香味，通菜爽脆入味，送飯更好食👍🏻🌶香辣炒蜆 $118醬汁惹味偏甜，唔係太辣，適合唔太食到辣嘅朋友。蜆炒到剛熟狀態，肉質鮮嫩。🍍菠蘿炒飯 $128以原隻菠蘿盛載，配料分別有魷魚、鮮蝦、雞絲、炒蛋絲、菠蘿粒等，再以肉鬆鋪面，飯底粒粒分明有鑊氣。🥭黃金夢 $60以新鮮菠蘿汁、芒果汁調製，果香味道突出，飲得出係新鮮水果嘅甜味而唔係糖漿嘅甜😋💚鮮番石榴汁 $52同樣以新鮮果汁製成，粒粒果肉頗有口感，味道香甜清新。