Video
Read full review
2023-10-19
196 views
最近起屋企樓下商場消費，滿左指定金額送咗張Fashion Walk電子餐飲劵，琴日咁岩有事要出銅鑼灣，晚餐時順便使用埋呢張劵（最尾唔記得用🤭）香港地有多間美式漢堡店，Shake Shack、Five Guys、Triple O’s⋯起google map搜索下都好易搵到，小妹都食過以上三間，各有特色！而Fashion Walk咁啱有間美式漢堡店符合到小妹要求，就係《Burgeroom》❣️睇OpenRice 先知原來Burgeroom 起尖沙咀美麗華商場都有分店，多數網民介紹Burgeroom既漢堡包款式選擇多及好大份，即使素食者都適合，餐廳有提供IMPOSSIBLE Burgers 及沙律🥗。另外餐廳除咗有室內座位，仲有室外雅座添，就算落大雨都唔怕淋雨架❣️店員安排我哋坐室內，小妹決定只點一份漢堡同朋友分享，再加份小食同兩杯飲品，份量足以兩位女士完食🤭🤭🍔 大烤菇芝士牛肉漢堡+菠蘿🔸🔸牛肉同菠蘿果然係絕配，牛肉多汁一啲都唔乾柴柴；菠蘿及烤菇味道剛好，唔會烤過火；漢堡包有啲乾，可能因為小妹分開逐件食，如果一次過咬一啖應該係啱啱好😉可惜小妹個口唔夠大🤣🤣🍟 芝士旋風薯條🔸🔸薯條有分直薯條及旋
睇OpenRice 先知原來Burgeroom 起尖沙咀美麗華商場都有分店，多數網民介紹Burgeroom既漢堡包款式選擇多及好大份，即使素食者都適合，餐廳有提供IMPOSSIBLE Burgers 及沙律🥗。另外餐廳除咗有室內座位，仲有室外雅座添，就算落大雨都唔怕淋雨架❣️店員安排我哋坐室內，小妹決定只點一份漢堡同朋友分享，再加份小食同兩杯飲品，份量足以兩位女士完食🤭🤭
🍔 大烤菇芝士牛肉漢堡+菠蘿
🔸🔸牛肉同菠蘿果然係絕配，牛肉多汁一啲都唔乾柴柴；菠蘿及烤菇味道剛好，唔會烤過火；漢堡包有啲乾，可能因為小妹分開逐件食，如果一次過咬一啖應該係啱啱好😉可惜小妹個口唔夠大🤣🤣
🍟 芝士旋風薯條
🔸🔸薯條有分直薯條及旋薯條，小妹一眼決定要旋薯條，因為好似以前食《哈迪斯》咁（唔小心暴露年代😏）好想講「Wow~啲薯條好好食🤤配埋香濃芝士醬、鮮甜茄汁🥫，簡直係完美！」
🥤自家製蜜桃冰茶、菠蘿冰茶
🔸🔸每杯冰茶都係紅茶底，唔太甜同有果肉，加埋片薄荷葉更清爽，咬啖漢堡再食條薯條，然後啜啖冰茶，頓時覺得無咁熱氣🤭🤭好過飲汽水添！
呢度有位女店員服務好好丫，小妹感到好溫暖，由於昨晚落大雨，入店前溫馨提示「慢慢嚟唔洗急架」，因張枱面積唔係好大，放低兩杯飲品同薯條已經位置唔多，到上漢堡包時女店員又好窩心咁提示「小心丫」超加分吖😍😍
Burgeroom午市同下午茶都有做套餐優惠，幾抵食添，小妹估計平日午市應該都幾多上班族幫襯🤔而家全日仲有個啤酒優惠$39/500ml，昨晚都見幾多客飲啤酒嘆漢堡👍🏻👍🏻👍🏻
自家製冰茶
$38
5 views
0 likes
0 comments
芝士旋風薯條
$65
6 views
0 likes
0 comments
大烤菇芝士牛肉漢堡+菠蘿
$130
3 views
0 likes
0 comments
Post
