申子居酒屋

Open Now

Now Closed

呢間係其中一間我最愛嘅港島區日式居酒屋🏮！設有包廂位置, 環境舒適, 整體食物質素高, 服務態度又好好, 係聚餐好地方 (*´∀`)～𓌈⸝⸝ 新品*申子海膽和牛燒推薦👍🏻 店員喺我哋面前即場用火槍燒和牛🥩, 再捲住蘭王雞蛋🥚、日本米飯, 最後放上海膽, 簡直係視覺同味覺一大享受😍！和牛經火燒後油香四溢, 和牛油脂都滲出來了！和牛肉質非常柔嫩, 牛肉同脂肪分佈平均, 肉味香濃, 幾乎入口即化！日本生蛋黃同海膽嘅鮮味互相融合, 能減輕和牛嘅油膩感, 層次相當豐富, 滿足感🆙 𓌈⸝⸝ 極上鹽燒牛舌芯 推薦👍🏻 外層燒至微焦脆, 肉質爽嫩彈牙, 而且肉味濃, 牛舌厚身但完全唔韌, 可以蘸少少岩鹽、蔥花, 好食😋！🥗蟹肉蟹籽牛油果沙律 蟹肉同蟹籽份量好多, 沙律菜夠新鮮, 份量十足！🍣火炙壽司 壽司係由廚師發辦, 會根據時令食材去決定當日嘅壽司款式～ 當日安排咗油甘魚壽司、左口魚壽司、腦天壽司(即吞拿魚頭頂嘅肉)。我最愛火炙左口魚壽司, 充滿魚油, 肥美細緻！