Video
Read full review
2024-01-04
113 views
呢排食左間幾特色而且非常抵食嘅私房菜 lechefeteria ，法國菜嘅同時，加入左好多東南亞嘅風味，好有新鮮感。causal dinner set 最低消費$500都唔洗，由小食嘅芋頭片同麵包籃，甚至喺個牛油都係自家製都好夠誠意。餐湯嘅南瓜薑濃湯同龍蝦濃湯強調用嘅係椰子奶而唔係用普通忌廉，滑而不漏，椰香又唔會令整體違和。南瓜薑濃湯更帶有一啲東南亞香料味，唔似一般嘅南瓜湯，都幾新穎。appetiser 係佢地招牌油封鴨腿意大利飯都好夠癲😂 36個鐘慢煮鴨腿，經過非常繁複嘅步驟先煮成（由橄欖油經過海量鴨腿嘅浸泡之後變成嘅鴨油再油封）鴨油無晒但充滿着風味，配埋risotto 一齊食都幾好食！主菜當日揀左 亞米大厨法式傳統羅西尼鵝肝：香煎鹅肝、紅酒醬、煙熏阿根廷黑安格斯牛里脊、薯蓉、時菜同韓國帝皇三文魚卷、海鮮及豬手米粒意粉，前者嘅阿根廷黑安格斯牛里脊用上椰殼煙熏，好香，而且even 咁生都唔會有血水，肉味好濃，配埋用左椰奶做嘅薯蓉，好滑但唔漏，加埋紅酒汁絕對係一絕。香煎鵝肝都做得好出色，煎得岩岩好，入面仲係好淋身，好好食🥹 後者嘅三文魚卷係用蕉葉包住左自家製泡菜一齊煮，蕉葉嘅香味同三文魚
主菜當日揀左 亞米大厨法式傳統羅西尼鵝肝：香煎鹅肝、紅酒醬、煙熏阿根廷黑安格斯牛里脊、薯蓉、時菜同韓國帝皇三文魚卷、海鮮及豬手米粒意粉，前者嘅阿根廷黑安格斯牛里脊用上椰殼煙熏，好香，而且even 咁生都唔會有血水，肉味好濃，配埋用左椰奶做嘅薯蓉，好滑但唔漏，加埋紅酒汁絕對係一絕。香煎鵝肝都做得好出色，煎得岩岩好，入面仲係好淋身，好好食🥹 後者嘅三文魚卷係用蕉葉包住左自家製泡菜一齊煮，蕉葉嘅香味同三文魚融埋一體，自家製泡菜嘅香辣同酸味配三文魚都好夾，仲有去左皮嘅車厘茄，都幾惹味！旁邊仲有豬手同米仔粉，勁豐富！
甜品方面，banana roti無喺泰國食嘅咁肥膩，原來佢地再焗，所以外脆但一啲都唔油，同埋甜味全來自香蕉同自家製泰茶雪糕，香港都好少地方有得食☺️ chocolate brownie 好濃朱古力味但又唔太甜，口感仲好軟熟，都唔錯。最後飲埋杯法國茶真係無得頂！
整體黎講我覺得性價比都幾高，銅鑼灣食私房菜又唔洗加一仲要食得勁飽已經好好，仲要每一個菜式都食得出特色而且食落唔會好滯，味道都好天然，大部分嘅野都係自家製的確都係加分位，重要位置易搵但私隱度都幾好，又無限時，都幾值得推介。
Post
