Undici

Open Now

Now Closed

自從公司搬咗去鰂魚涌，好似好耐冇出銅鑼灣食野，今日因為約左個係銅鑼灣返工嘅朋友食lunch ，所以試咗呢間位於耀華街嘅樓上cafe 。餐廳從外至內部，都以灰色為餐廳主色調。從灰色的門身、以至餐椅、到牆壁、甚至地板等，都帶有灰色。餐廳整體感覺十分有獨特，頗有個性格調。食物餐牌有八款前菜及小食、八款意粉及飯，其中一款為《廚師發辧》、另有一款肉類。餐牌選擇可說是貴精不貴多，各有特色。另有星期一至四 promotion ，凡order 主食，每人可加$1追加《慢煮鮑魚2隻》，另有$28蛋糕放題(共六款選擇)，十分有趣。《廚師發辦》（$128）今日係《煙三文魚黑松露意粉》，配上什菌、煙三文魚及菜苗裝飾，賣相已經不錯。味道方面，黑松露十分濃郁，而意粉軟硬適中，黑松露忌廉汁唔會太稀亦唔會太杰 ，掛滿每條意粉，的確煮得相當美味。《招牌名古屋鰻魚大阪燒意大利飯》（$158）同樣加入多款菇菌，意大利飯入口煙靱有口感得嚟又不會太硬。飯面蓋有滑炒蛋及加有沙律醬汁，最後再鋪上超誇張嘅原條鰻魚。鰻魚面放上紫菜絲，及大量木魚片伴碟。好一個意日fusion 菜，整體好夾好味道。《慢煮鮑魚》（$1/2隻）採用日式烹調方