Video
Read full review
2024-11-05
237 views
位於銅鑼灣嘅Ciclo好適合節日𪊴祝，或者同朋友黎飲番兩杯傾下計！環境好有格調，燈光偏暗但氣氛非常好，咁啱最近萬聖節，勁多decoration, 好有Halloween氣氛👻🎃 食物好有質素，店員嘅服務都好友善，每上一道菜都會介紹番👍🏻🔶Hokkaido Scallop Ceviche前菜叫咗秘魯菜系嘅ceviche，係用生果醃海鮮。呢個ceviche好特別，係用咗醃奇異果黎做，微酸微辣，配上鮮甜嘅北海道帶子同三文魚子，極度醒胃，無諗過呢幾樣嘢加埋咁夾。🔶Crispy Beef Short Rib首先個醬汁由肉桂，山渣，紅酒調製，酸酸甜甜。加上青醬，係另一番風味。至於rib 本身，經過三重工序，先燒，再煎香鎖住肉汁，再用醬慢煮至全熟，但仍然好嫩滑。牛肉外皮焦香微脆，入面軟嫩，而且一絲血都無，牛肉嘅肉香同油香完全呈現，最啱怕腥嘅絲打。個薯蓉系有d驚喜，勁creamy，又有牛油香，配上酸甜嘅醬汁，完全停唔到口。🔶 Yellow Chicken Roll with Cauliflower Mimolette雞卷本身用雞皮包住，非常香脆，入面則係充滿油香嘅嫩滑又多汁雞肉，配上綠色濃濃嘅蔥油，彷
🔶Hokkaido Scallop Ceviche
前菜叫咗秘魯菜系嘅ceviche，係用生果醃海鮮。呢個ceviche好特別，係用咗醃奇異果黎做，微酸微辣，配上鮮甜嘅北海道帶子同三文魚子，極度醒胃，無諗過呢幾樣嘢加埋咁夾。
🔶Crispy Beef Short Rib
首先個醬汁由肉桂，山渣，紅酒調製，酸酸甜甜。加上青醬，係另一番風味。至於rib 本身，經過三重工序，先燒，再煎香鎖住肉汁，再用醬慢煮至全熟，但仍然好嫩滑。牛肉外皮焦香微脆，入面軟嫩，而且一絲血都無，牛肉嘅肉香同油香完全呈現，最啱怕腥嘅絲打。個薯蓉系有d驚喜，勁creamy，又有牛油香，配上酸甜嘅醬汁，完全停唔到口。
🔶 Yellow Chicken Roll with Cauliflower Mimolette
雞卷本身用雞皮包住，非常香脆，入面則係充滿油香嘅嫩滑又多汁雞肉，配上綠色濃濃嘅蔥油，彷彿用另一種形式重現經典嘅三黃炸子雞。配上椰菜花芝士泡沫，毫不吝嗇嘅芝士碎，以及香煎嘅松茸，令成道菜提升咗一個層次，令人回味。
🔶 Pistachio Lemon Cream Cheese Dessert
本來以為會係一個普通蛋糕，點知充滿驚喜。廚師用開心果，焦糖檸檬，芝士蛋糕，混合再重構，成為一個mousse，入口香滑，仲有三重嘅味覺享受。配上蛋卷，一剛一柔，為呢餐作收尾。
🔶Koko ringo
本身視覺效果一流，有一層滑溜嘅椰汁mousse，入口除左椰香外都好herbal，後感清新，尾韻仲有班蘭同gin嘅香味，配餐完美。
🔶Jam and Blossom
呢杯系mocktail, 甜蜜感爆燈。入口係士多啤梨嘅甜，然後係桂花嘅清新，最好仲有淡淡嘅糯米香。中西合壁，意想不到。
Post
