火鍋隨意門

Open Now

Now Closed

作為一間餐廳，喺樓上舖其實冇乜人會特別留意，早排聽過朋友推介一間好有特色比較特別嘅火鍋店，位於銅鑼灣嘅樓上舖，喺鵝頸橋嗰邊，於是去咗嘗試。同朋友嗌咗花膠雞湯底，首先飲咗個湯，個湯好香好濃好重花膠味，完完全全唔係味精湯，店員會幫手將原封花膠剪片放入湯底，花膠好重膠質好厚，完全唔Hea。雞件就正正常常。有個餃子拼盤好出色，有黑松露蟹肉餃，蟹粉餃，仲有唔同嘅蝦餃，佢哋蝦餃做得好香，回番尋味。蔬菜拼盤亦都好大兜，食極都食唔完，仲有好俾心機擺盤。飲品亦都唔馬虎，用咗個地球而載着竹蔗茅根水。