正潮樓

Open Now

Now Closed

銅鑼灣嘅正潮樓新店主打高級潮州菜，由國家級大師傅坐鎮，以潮式海鮮為主(包括魚翅、海參、鮑魚、燕窩等名貴食材)，相當有傳統古色古香潮州菜館嘅味道。菜式相當精緻，有功架有實力嘅潮州菜館。汕頭煎蠔烙 $128蠔肉飽滿肥美，蠔肉多到滿瀉，完全唔需要沾醬汁，煎得夠晒香，食蛋味同蠔肉鮮味為主。鵝肉 $138［例］鵝肉嫩滑，滷水汁濃而不鹹，襯托到鵝肉的特有肉香特出。魚露浸花甲 $218第一次食呢款潮州菜式，不要誤解加咗魚露會鹹，相反完全唔鹹，反而魚露嘅鮮香味同花甲好夾。芋頭炒香飯 $138比普通嘅潮州炒飯更香，秋冬係食香芋嘅季節，點呢個芋頭炒飯就啱晒。豬油炒蕃薯苗 $128推薦嘅蔬菜，略略爆香豬油，番薯苗吸收咗豬油嘅香味，但係又唔會油膩。真係食到好滿足，我最鍾意係蠔餅同埋鵝肉，回味無窮。餐廳好似精緻私房菜館，可以包廂，服務周到個人化，家庭同朋友聚會都好適合。