M1 Bar & Restaurant (Closed)

同老公搵食搵到去CWB，準時去到朋友介紹的餐廳會合。有點surprise，外形不錯又位於交通要塞的Bar and Restaurant，竟然客人不多。再想想也合理，面向告士打道，大家塞車都塞死了，誰會在此下車享受一下美食音樂？今次都係好彩得朋友介紹先有機會尋得此高質餐廳。MENU簡單兩頁紙，但食物選擇不少而且幾特別。二人共點了4款食物，事後發現自己太進取了。先上一款十分有特式的花雕醉雞肶，是十分的Fusion菜。同傳統醉雞不同，是焗製熱食的。中式的食物，西式的煮法，再配上泰式的醬汁，竟然出奇地非常好食，配搭完美的令人佩服。焗後的雞肶表皮十分香脆，但雞肉依然嫩滑。入口酒味十分香濃，配上酸酸甜甜又帶點微辣的泰式醬汁，聽落帶點古怪，但食落是驚喜的好好味。非常值得一讚的一道菜！如此繁複，都只係$48。焗田螺是傳統的焗田螺，沒很大驚喜，卻都是高質之作。田螺大粒厚肉，十分有咬口。打底的薯蓉亦是很軟滑。德國咸豬手是老公的最愛，有胃口時我都會盡量陪佢食。豬手好大隻，伴碟的除了酸菜，仲有沙律、薯角⋯⋯抵是十分抵食了，食豬手的朋友一定要留肚。豬手厚肉，切開亦份量十分。肉質算是嫩滑，豬肉味香，調味都是恰到好