魚一壽司 (京都廣場)

Open Now

Now Closed

銅鑼灣日式餐廳多不勝數，選擇花多眼亂，而魚一係其中一間食完係會encore既餐廳，除左地點方便之外，食物質素高，性價比超高。刺身六點盛話明係日本餐廳，點少得刺身，6款刺身包括三文魚、油甘魚、鯛魚、赤蝦、赤貝同埋赤身，鮮甜厚切，非常滿足。三色刺身丼海膽三文魚帶子刺身丼，海膽入口即溶，配上壽司飯口感豐富，加少少wasabi同豉油一齊食已經好正。露荀牛肉卷牛肉高質嫩滑，加上蘆筍香蔥，食完都唔會覺得好膩。火炙左口魚邊及北海道生帶子壽司左口魚魚邊油份本身已好勁，輕輕火炙令魚油味更出，入口即溶化。帶子壽司大大粒，鮮甜爽口。綠茶葛餅（6粒）綠茶味濃，口感煙韌，令人愛不釋手。