Video
Read full review
6 day(s) ago
0 views
呢間樓上鋪西餐廳我已經嚟過幾次，地點旺中帶靜，餐廳佈置幾relax，食物大份好味，好啱三五知己嚟食下嘢傾吓計。❤️黑松露薯條薯條炸得啱啱好，唔多油，唔會太熱氣。每條薯條表面都有松露粉，又有松露醬同茄汁，大家一人一條好搶手，好快食曬。❤️美國豬肋骨配蜜糖芥末醬呢一碟豬肋骨份量好多，除咗豬肋骨之外仲有一大堆薯條同埋蔬菜。豬肋骨一排四條，好入味，出面少少脆，入面黐住骨嘅肉又好似燜牛面肉咁腍，好好食。❤️燒烤醬手撕豬肉漢堡成個漢堡堆得好高，包整得鬆軟，頂層脆脆地。手撕豬肉一絲絲咁，有少少肉汁，加埋燒烤醬汁，口感同調味都做得幾好。❤️紫薯麻糬巴斯克蛋糕呢度嘅巴斯克蛋糕都幾多款式，紫薯加麻糬真係比較少見，所以一見到就揀咗呢款。蛋糕擺盤好靚，有碎花點綴。芝士味好濃，蛋糕軟滑，中間嘅麻薯qq彈。❤️玫瑰朱古力熱飲拉花同裝飾好靚，可以打卡，我就鍾意呢個朱古力飲品，味道係比較濃嘅，又唔係好甜。
❤️黑松露薯條
薯條炸得啱啱好，唔多油，唔會太熱氣。每條薯條表面都有松露粉，又有松露醬同茄汁，大家一人一條好搶手，好快食曬。
❤️美國豬肋骨配蜜糖芥末醬
呢一碟豬肋骨份量好多，除咗豬肋骨之外仲有一大堆薯條同埋蔬菜。豬肋骨一排四條，好入味，出面少少脆，入面黐住骨嘅肉又好似燜牛面肉咁腍，好好食。
❤️燒烤醬手撕豬肉漢堡
成個漢堡堆得好高，包整得鬆軟，頂層脆脆地。手撕豬肉一絲絲咁，有少少肉汁，加埋燒烤醬汁，口感同調味都做得幾好。
❤️紫薯麻糬巴斯克蛋糕
呢度嘅巴斯克蛋糕都幾多款式，紫薯加麻糬真係比較少見，所以一見到就揀咗呢款。蛋糕擺盤好靚，有碎花點綴。芝士味好濃，蛋糕軟滑，中間嘅麻薯qq彈。
❤️玫瑰朱古力
熱飲拉花同裝飾好靚，可以打卡，我就鍾意呢個朱古力飲品，味道係比較濃嘅，又唔係好甜。
Post
