Video
Read full review
2023-03-16
772 views
銅鑼灣 滿載而歸高質海鮮蒸氣火鍋🍲船渦📍銅鑼灣謝斐道500號維安商業大廈3樓➰好歌推介「成人只寄望收獲，情人只聽見承諾，為何都不大懂得努力珍惜對方。」.#Shall We Talk #陳奕迅➰前兩日同朋友想打邊爐，但又唔想太熱氣，就搵咗位於銅鑼灣嘅蒸氣火鍋一試。.餐廳位於銅鑼灣站5分鐘路程，地點方便，入到餐廳見到環境係以木系居酒屋風格設計，每一個座位都配備一個蒸爐，而且仲有木簾間隔製造獨立用餐環境，就算一人蒸氣火鍋都無任何問題。.侍應好快就安排入座，餐牌有4個套餐，主要分別係食到嘅海鮮種類唔同，我地今日就揀左八府巡案套餐，最吸引係依個套餐已經有龍蝦同蟶子皇/蟹二揀一，我地今日兩個人就各自揀咗蟶子皇同蟹，每張枱旁邊都會有蒸煮時間提示，唔怕蒸過頭。❀八府巡案套餐 💲388 -三點刺身(北寄貝，甘蝦，帆立貝) -炸物（芝麻雞翼,雞軟骨餃子）-海鮮：白蜆、蝦、鮮魚片、鮑魚、元貝、時令海鮮、龍蝦(半隻)、蟶子皇或蟹(半隻)-肉類：安格斯牛肉/豚肉片/雞腿(三選二)-丸類：三寶丸(牛骨濃汁牛丸、薑汁皮蛋貢丸、招牌墨魚丸)-蔬菜拼盤-最後主食可以揀粥底/麵底-甜品➿✥三點刺身&炸物 ⭐️3.9/5⭐️
船渦
📍銅鑼灣謝斐道500號維安商業大廈3樓
➰好歌推介
「成人只寄望收獲，情人只聽見承諾，為何都不大懂得努力珍惜對方。」
.
#Shall We Talk #陳奕迅
➰
前兩日同朋友想打邊爐，但又唔想太熱氣，就搵咗位於銅鑼灣嘅蒸氣火鍋一試。
.
餐廳位於銅鑼灣站5分鐘路程，地點方便，入到餐廳見到環境係以木系居酒屋風格設計，每一個座位都配備一個蒸爐，而且仲有木簾間隔製造獨立用餐環境，就算一人蒸氣火鍋都無任何問題。
.
侍應好快就安排入座，餐牌有4個套餐，主要分別係食到嘅海鮮種類唔同，我地今日就揀左八府巡案套餐，最吸引係依個套餐已經有龍蝦同蟶子皇/蟹二揀一，我地今日兩個人就各自揀咗蟶子皇同蟹，每張枱旁邊都會有蒸煮時間提示，唔怕蒸過頭。
❀八府巡案套餐 💲388
-三點刺身(北寄貝，甘蝦，帆立貝)
-炸物（芝麻雞翼,雞軟骨餃子）
-海鮮：白蜆、蝦、鮮魚片、鮑魚、元貝、時令海鮮、龍蝦(半隻)、蟶子皇或蟹(半隻)
-肉類：安格斯牛肉/豚肉片/雞腿(三選二)
-丸類：三寶丸(牛骨濃汁牛丸、薑汁皮蛋貢丸、招牌墨魚丸)
-蔬菜拼盤
-最後主食可以揀粥底/麵底
-甜品
➿
✥三點刺身&炸物 ⭐️3.9/5⭐️
點完餐無幾耐，店員已經放低咗刺身同炸物作前菜享用，刺身有北寄貝，甜蝦同帆立貝，炸物就有一隻芝麻雞翼及雞軟骨餃子，全部都正常水準發揮。
三點刺身
36 views
0 likes
0 comments
炸物
29 views
0 likes
0 comments
𖥕海鮮拼盤
店員接住落嚟亦都好快將所有套餐食物一次上枱，頓時將整張枱面空間用盡。海鮮拼盤上枱非常吸睛，所有海鮮放於冰底海鮮船上，排場聲勢盛大，擺位精美，立即同朋友決定相機食先。
八府巡按
46 views
0 likes
0 comments
.
白蜆 ⭐️4/5⭐️
一輪打卡過後，首先決定蒸白蜆清新一下味蕾先，枱面有提示每樣海鮮蒸熱時間，所以無需過份緊張生熟問題。白蜆等待幾分鐘之後已經開哂口，全部都肥美飽滿，粒粒鮮甜。
.
鮑魚 ⭐️4.2/5⭐️
鮑魚蒸煮時間較長，約需5分鐘，原隻入口彈口爽牙，點上少少醬汁帶出鮮味更為滋味。
鮑魚
24 views
0 likes
0 comments
.
鮮魚片 & 貴妃蚌 ⭐️4.2/5⭐️
兩者蒸煮時間接近所以一齊蒸，鮮魚片出奇地爽口彈牙，而貴妃蚌肉質鮮甜，兩者都唔錯。
鮮魚片
23 views
0 likes
0 comments
.
蝦 ⭐️4.2/5⭐️
鮮甜彈牙，除左要落手剝蝦之外無投訴。
蝦
32 views
0 likes
0 comments
.
蟶子皇 ⭐️4.2/5⭐️
只需蒸1.5至2分鐘就可以入口，鮮甜彈牙，啖啖滋味。😋
.
元貝 ⭐️4.3/5⭐️
非常大隻嘅元貝，蒸完之後仍然好飽滿大粒，仲有勁多海鮮汁，入口非常鮮甜，推薦。😋
元貝
42 views
0 likes
0 comments
.
蟹(半隻) ⭐️4.2/5⭐️
蟹肉亦都鮮甜，而且蟹蓋蟹肉都有膏，份量滿意。
.
龍蝦(半隻) ⭐️4.3/5⭐️
嚟到依個八府巡案套餐嘅重頭戲，龍蝦開邊入爐蒸煮，仲有鮮黃龍蝦膏伴隨，非常誘人，急不及待等至蒸熟，開爐一刻龍蝦已得變鮮紅，令人食指大動，一撕一扯龍蝦肉原條而出，果然入口鮮甜彈牙，原汁原味已經好足夠，可惜只有半隻令人意猶未盡。😋
龍蝦
133 views
0 likes
0 comments
✥肉類，丸類 & 蔬菜拼盤 ⭐️4.2/5⭐️
-安格斯牛肉 ＆ 豚肉片
兩種肉蒸煮後都流出豐富肉汁，留低轉頭煮粥／麵底一定非常滋味，安格斯牛肉入口比較濃郁，而豚肉片就比較滑身，兩者各有特色，都唔錯。
.
三寶丸分別牛骨濃汁牛丸、薑汁皮蛋貢丸、招牌墨魚丸，最鐘意牛骨濃汁牛丸，牛味濃郁入口仲有淡淡肉汁，好唔錯。
.
蔬菜拼盤有金菇，南瓜，脆肉瓜，冬菇，娃娃菜及生菜，南瓜特別香甜，其他正常水準發揮。
安格斯牛肉
30 views
0 likes
0 comments
𖥕粥底主食 & 甜品 ⭐️4/5⭐️
同朋友一人揀左一樣，佢揀粥底，我揀魚湯烏冬，兩個人其實食完上面所有套餐都已經八，九成飽，吸收湯底精華烹煮嘅主食算係錦上添花，店員分別幫我地加入南瓜粥及魚湯之後水滾再加入烏冬煮熟，南瓜粥本身已經香甜，但粥底如果可以更綿密就更加出色。烏冬質感煙韌爽彈，吸收左海鮮精華及魚湯之後非常滋味。
.
最後甜品係雪糕糯米糍，為依餐豐富嘅蒸氣火鍋劃上句號。
烏冬
40 views
0 likes
0 comments
➰總結
餐廳以蒸氣火鍋作主打，套餐價錢豐儉由人，好欣賞餐廳將餐枱設計可以細分到一人用餐環境，令客人一人之境蒸氣火鍋都毫不尷尬。
.
當然，餐廳各項海鮮出品都非常好，見到餐廳有魚缸保持海鮮品質，令到所有海鮮上枱好生猛，係一間會令人一再回味嘅高質海鮮蒸氣火鍋。
➿➿➿
Post
