亀井鮨 (Closed)

銅鑼灣 高質壽司🍣今天難得於銅鑼灣世貿中心品嘗到高質壽司🍱 地點好近地鐵站，食開壽司嘅我今日特別想食好啲就去食個lunch 壽司，十分滿意，環境高尚，服務週到，食物優質、新鮮，擺盤餐具優雅。👍🏼👍🏼 原來仲要係日本過百年歷史嘅壽司品牌，係日本都有多間分店！今次叫咗個 「青」席前壽司，遮係喺你面前握嘅壽司！前菜味道正正常常嘅麵豉湯同埋沙律，不過不失，值得提嘅係佢個沙律碟好靚！壽司就有十件！每一件都好高質新鮮，魚好明顯都係飛機貨！新鮮日本空運。三文魚腩、油甘魚、鯛魚、間八、日本海膽 就係set定嘅，另外時令我今次就係：鮑魚、赤貝、墨魚、大蝦特別值得提係 我係好鐘意思食 墨魚，新鮮都唔新鮮係好易分，佢嘅咬口、特別係黏嘅感覺係話緊畀你聽究竟佢係幾新鮮！另外個蝦我係第一次見到有咁嘅display，都幾有趣。海膽亦都新鮮冇任何臭味，不過我食嘅時候唔記得咗應該早啲食，慢慢品嘗去到最後先食佢，一咬先醒起，我咁遲食會令到啲紫菜冧咗，大家叫嘅話，記得要早啲食，唔好好似我咁傻仔。總括而言，整體都唔錯，值得一個好評！